|
|
|
|
|
|
Рыбак Родзька
У гэтым раздзеле аўтар вяртаецца да падзей, якія адбываліся зімой у маёнтку пана Завальні.
Да гаспадара сядзібы прыехаў Родзька — лепшы рыбак у акрузе. Ён прывёз пану Завальні рыбу, якую той замаўляў.
Пачаставаўшыся кілішкам гарэлкі, Родзька распавёў Завальню і яго пляменніку пра незвычайнае здарэнне, што некалі адбылося ў Глухім возеры на Расоншчыне.
Пра тое возера хадзілі чуткі, быццам там пасяліўся нячысцік.
Пан З., які не звяртаў увагі на ўсялякія забабоны, загадаў сваім рыбакам закінуць у возера нерат. Калі ж рыбакі выканалі панскі загад, дык выцягнулі з нератам шмат жахлівых істот. Аказалася, нерат натрапіў на д'яблава кубло.
Родзька меркаваў, што столькі нячысцікаў у азёрах развялося з-за асташоў — рыбакоў з ваколіц горада Асташкава. Асташы пасылалі пад лёд злога духа, які заганяў ім рыбу ў нерат. Так з азёраў пазнікала рыба, засталіся толькі нячысцікі...
|
|
|
|
|
