|
|
|
|
|
Апавяданне другое. Зухаватыя ўчынкі
Другі падарожны расказаў пра сялянскага хлопца Васіля, які з дзяцінства быў вялікім гультаём і свавольнікам. Аднойчы ён працаваў на полі разам з іншымі вяскоўцамі. Пад час адпачынку сяляне ўбачылі, як Лясун выводзіць звяроў з лесу — напэўна, прадчуваючы пажар. Васіль кінуў у Лясуна камнем. Да сведчаныя людзі папярэдзілі Васіля, што яму гэта не пройдзе беспакарана.
У другі раз Васіль павітаўся на полі з віхром, назваў яго братам і паціснуў тому чорную руку, што высунулася са слупа пылу.
Пасля таго як Васіль ажаніўся, яго пільнавала адна бяда за другой: то барана схапіў воўк, то ліс падушыў на полі гусей, то карова ўтапілася ў балоце, то ад ляснога пажару іскрынка заляцела ў яго дом, спаліла гумно і збожжа. Нарэшце, Васіль падаўся ўначы шукаць клад ля Вужовага Каменя, і, як казалі потым людзі, Лясун завабіў яго ў свае нетры. Так адпомсціў Лясун за тое, што некалі Васіль выцяў яго каменем.
|
|
|
|
|